Sunday, July 22, 2007

書展摘記

終於在星期六去了書展,比對上咁多年好的是今年有明確目標:紅出版 --追渣沽 XD 本來想去尹思哲個 Talk 聽聽 WEB 2.0 ,可惜第一日 (爆多人)加唔得閒去唔到 =.=" 是次行書展的次序為 Hall1 --> Grand Hall --> Hall2。如果可以再行一次的話,我會是Hall2 --> Grand Hall --> Hall1。基本上 Hall 1 都是大書商,無啥特別。都是賣新出版的書。嗯,但是好迫人,要迫好耐先出得番去在 Hall 1。 特別去了 Enrich (天窗) 個 counter 睇,有兩本 target 書"web2.0" 和 "這醫生很潮"。 但因為梁奕倫先生在場,Fans 拍照 + 影相,好難先入到去。除了 Target 書,仲有 1-2 本旅遊書有興趣,不過太迫入左去一陣就走其他在 Hall 1 的時間都是走馬看花地迫著行

去到 Grand Hall 前面就見到梁文道、蔡子強個鋪頭。呵,見唔到蔡東豪都有少少失望。不過算了,睇睇梁文道 Sell 野都值回票價。當然又有幾本書 on target list 。入左 Grand Hall 睇左陣台灣書、同埋見到陸羽仁又出左本新結集。仲有個來 Race 靚靚封面同阿倫的傳記,個個攤位無乜人,可惜唔夠時間睇睇 Race 本書(入面肯定好多靚相 ^^ )

之後去到 Hall2,正!無咁迫人。仲有就係見好多在 Hall1 的攤,在 Hall2 都有,如:正文社、榆琳當然,特別係個間叫天行者出版我到這一刻都分唔出"天行者出版"同"Enrich (天窗)"既分別。係子妹公司吧。早知如此,就去 Hall2 算。賣的書都是一模一樣。

高潮到了,就是去了紅出版找<<追渣沽>>。一找就找到了!好奇無人在打書釘。成本書最吸引的都是那 BB 相 XD 。內文呢,其實我無啥睇過 (請諒),時間緊迫睇了個序 + 目錄。對於紅出版來說,水準應該算不俗。以結集來講,都是合格的。但是我這渣沽 Fan,我覺得還可以做得更好。一看目錄就發覺有好多篇,但是每一篇都是獨立的章節?嗯,如果可以分為幾個大類,咁樣睇都睇得舒服D。憑感觀而言,這本書雖則內容豐富,但是感覺就有點 Heavy 了 XDD話說兩頭,而紅出版的規模和人手考慮,已經算 above average

總結:有很多新作家的登場,當中有 bloggers 亦有其他人。唔通香港下期會 hit 的是做 blogger?出書?睇書?呵,希望多 D 出版社會找 bloggers和其它新面孔出書了!包括..............你、你、你和你。

1 Comments:

Blogger 學 霖 山 莊 said...

Merry Xmas 呀!

08年比d勁過4叔嘅料我呀!

8:35 AM  

Post a Comment

<< Home